بدلیجات مروارید
شیک سرابدلیجات مروارید
شیک سرائەرکى لاوان لە ئیسلامدا...؟!
بەرواری بڵاوکردنەوە: ۱۳۹۰/٠١/۸ ۰
تەواوى سوپاس و ستایشەکان بۆ پەروەردگار، صەڵاواتى زۆر بۆ سەر خۆشەویستمان پێغەمبەر صلى الله علیه وسلم، خودایە پەنات پێدەگرم لە تاوان گەلێک کە بمکاتە خەڵکى دۆزەخ، وە لەسەر لێشێوانێک کە لە رێگەى ڕاست ونم بکات، وە لە خراپى نەفس کە سەر شۆڕم بکات... وە دواى ستایشى بێ پایان لە بۆ خواوەندى بەدیهێنەر...
خوشکەکەم... براکەم... وەکو ڕونە لامان کە ئاینى پیرۆز ئیسلام، ئاینێکى گشتگیر و هەمە لایەنەیە... وە بۆ هەموو خەڵک هاتووە... بە ڕەچاوکردنى هەر چین و توێژێک و هەر تەمەنێک... لە ناو هەموو لایەنەکانیدا. گرنگترین چینەکان لەم ئاینە بە پێزەدا چنیى ئێمەى لاوە... هەر بۆیە پێغەمبەرى سەروەر صلى الله علیه وسلم ئاگادارى کردوینەتەوە لە گرنگێتى و ناسکى و زوو بەسەرچونى سەردەمى گەنجێتى... هەر بۆیە لە فەرموودەکانى دا سەرنجى ئێمەى گەنج ڕادەکێشێت و ئاماژە بە گرنگى تەمەنمان دەدات وەک ئەم فەرمودەیە کە باس لە حەوت کۆمەڵەى موژدە پێدراو بەوەى کە لە رۆژى دواى دا لەسایەى عەرشى خوداى گەورەدا حەشر دەکرێن کە لەو ڕۆژەدا هیچ سێبەرێک نیە جگە لەو سێبەرە... باسى کردوى لەبەر گرنگى تۆى لاو، لە سەرەتاى ئەو حەوت کۆمەڵە خەڵکەوە باسى کردوى، دواى حاکمى دادپەروەر... و کە فەرموودەکە لە (صحیح) ى بوخارى وموسلیمدا هاتووە و دەفەرموێت صلى الله علیه وسلم [ وشابٌ نشأ فی طاعة الله ] ، واتە ئەو گەنجەى کە گەنجێتى بە پەرستنى خوداوە بەسەر دەبات... بەڵکو لە فەرموودەیەکى تردا کە پێشەوا (حاکم) گێراویەتى یەوە فەرموویەتى صلى الله علیه وسلم: [وشاب أفنى شبابه فی طاعة الله] ، واتا: لاوێک گەنجێتى لە پەرستنى خوادا دەتوێنێتەوە... زانایان فەرموویانە کە جیاوازى لە نێوان کوڕ و کچ دا نیە لە پەرستشدا... وە ئەم فەرموودەیەش پێشەوا (حاکم) دەیگێڕێتەوە کە پێغەبەرى خوا صلى الله علیه وسلم فەرمووى: پێنج شت بە هەل بقۆزەوە بەرلەوەى دژەکانى بەرۆکت بگرن وە لە نێوانیاندا فەرمووى " شبابک قبل هرمک "، واتە: گەنجێتیت پێش ئەوەى پیری بەرۆکت بگرێت.
بانگەواز بکە بەپێى زانیارى و تواناى خۆت، چونکە پێشەواى بانگ خوازان صلى الله علیه وسلم دەفەرمووێ: " بلغوا عنی و لو آیة " (رواه البخاری)، واتە: ئەگەر ئایەتێکیش بێت لەمنەوە بیگێڕنەوە بۆ خەڵکى تر و بانگەوازى پێبکەن بۆ لاى خواى گەورە... ئەوەشت بیرنەچآ، پێشەواى گەنجان فەرموویەتى صلى الله علیه وسلم " الـــدال على الخیر کفاعله " (السلسلة الصحیحة: 1160)، واتە: کەسێک ئامۆژگارى بۆ کارى چاکە بکات وەک ئەوە وایە کە کردبێتى. ئەوەشت بیر نەچێ کە فەرمان بەچاکە و ڕێگرى لە خراپە یەکێکە لە باشترین پەرستشەکان... دوعاى خێر بکە بۆ خۆت و دایک و باوک و موسوڵمانان، ئێمەشت بیر نەچێت... موژدەى پاداشت بەخەڵکى بدە و ئاگەداریان بکەرەوە لە نارەحەتى سزاى سەخت و بەئازار... وە لە کۆتاى دا ئەڵێم... خۆشم ئەوێن تەنها لەبەر خواى گەورە... با ئەم ژیانە تاڵە نەمان خاتە دۆزەخى لەخۆى تاڵترەوە...
