بدلیجات مروارید
شیک سرابدلیجات مروارید
شیک سرالەبەرچی نوێژ ناکەی؟
بەرواری بڵاوکردنەوە: ۱۳۹۰/۰۱/٠٧
*ئایا دەزانیت کەخوای گەورە فەرمانی پێکردوویت نوێژ بکەی؟... خوای گەورە دەفەرموێت: [حَافِظُواْ عَلَى الصَّلَوَاتِ والصَّلاَةِ الْوُسْطَى وَقُومُواْ لِلّهِ قَانِتِینَ] (سورة البقرة: ٢٣٨)، واتە پارێزەری لەنوێژەکانتان و نوێژی عەسر بکەن و گوێڕایەڵی خوا بکەن.
*ئایا دەزانیت نوێژ ڕاسپاردەی پێغەمبەرە (صلى الله علیه وسلم) لەکاتێکدا دونیای بەجێهێشت و وەفاتی کرد؟... پێغەمبەر (صلى الله علیه وسلم) لەدوا هەناسەکانی دا فەرمووی: {الصلاة، الصلاة، وما ملکت أیمانکم}، واتە: نوێژ، نوێژ، وەئاگاتان لەجارییەکانتان بێت.
*ئایا دەزانیت نوێژ کلیلی هەموو چاکەیەکە؟... إبن القیم الجوزیة (ڕەحمەتی خوای لێ بێت) دەڵێت: [الصلاة: مجلبة للرزق، حافظة للصحة، رافعة للأذى، طاردة للأدواء، مقویة للقلب، مبیضة للوجه، مفرحة للنفس، مذهبة للکسل، منشطة للجوارح، مملة للقوى، شارحة للصدر، مغذیة للروح، مندرة للقلب، حافظة للنعمة، رافعة للنقمة، جالبة للبرکة، مبعدة من الشیطان، مقربة من الرحمن] ، واتە: (نوێژ: هۆی بەدەست هێنانی ڕزقە، پارێزەرە بۆ تەندروستی، خراپە دوور دەخاتەوە، دوورخەرەوەی دەرمانە، بەهێزکەرە بۆ دڵ، ڕوخسار ڕۆشن دەکاتەوە، شادی هێنەرە بۆ دەروون، تەمەڵی لەناو دەبات، چست و چالاکی دەبەخشێ، هێزو توانا بەردەوام دەکا، سینە فراوان دەکا، ئاوی پاکە بۆ گیان، دڵ ڕووناک دەکاتەوە، پارێزەرە بۆ نیعمەت، دوورخەرەوەی ڕق و کینەیە، خۆشی و بەختەوەری دەهێنێت، دوورخەرەوەیە لەشەیتان،و نزیک کەرەوەیە لەپەروەردگار).
*ئایا دەزانیت پەروەردگار حاشا دەکات لەو کەسەی کەواز لەنوێژ دێنێت؟... پێغەمبەر (صلى الله علیه وسلم) دەفەرموێ:{لاتترک الصلاة متعمدا، فإنه من ترک الصلاة متعمدا فقد برئت منه ذمة الله ورسوله، أی لیس له عهد ولا أمان}، واتە: واز مەهێنە لەنوێژ بەئەنقەست، چونکە هەرکەسێک بەئەنقەست واز لەنوێژ بهێنێت پەیمان و بەڵێنی خواو پێغەمبەرەکەی حاشای لێ دەکەن، واتە نەپەیمانی هەیەو نەپارێزەرو ئەمانەتی هەیە.
*ئایا دەزانیت ئەو کەسەی کەواز لەنوێژ دەهێنێت پێغەمبەر (صلى الله علیه وسلم) بەبێ باوەڕ وەسفی دەکات؟... پێغەمبەر (صلى الله علیه وسلم) دەفەرموێ: {بین الرجل وبین الکفر ترک الصلاة}، واتە: ئەوەی لەنێوان مرۆڤ و بێ باوەڕدایە وازهێنانە لەنوێژکردن.
*ئایا دەزانیت ئەو کەسەی نوێژ نەکات ژنی بۆ مارەناکەن، وەعەقدکردنی لەسەر هەر ئافرەتێکی موسڵمانی نوێژکەر پڕوپووچ (باطل)ە؟
*ئایا دەزانیت کەسی نوێژنەکەر ئەگەر بمرێت لەگۆڕستانی موسڵمانان ناینێژن؟
*ئایا دەزانیت کەسی نوێژنەکەر بەچ جۆرێک سزا دەدرێت لەگۆڕەکەی؟... پێغەمبەر (صلى الله علیه وسلم) دەفەرموێ: {أتینا على رجل مضطجع، وإذا أخر قائم علیه بصخرة، وإذا هو یهوى بالصخرة لرأسه فیثلغ رأسه _أی یشدخه_ فیتدهده الحجر_ أی یتدحرج_ فیأخذه فلا یرجع ألیه حتى یصبح رأسه کما کان، ثم یعود علیه فیفعل به مثل مافعل مرة الأولى، فقلت: سبحان! ماهذان؟ قال جبریل علیه السلام (... إنه الرجل ینام عن الصلاة المکتوبة...)}، واتە: گەشتین بەپیاوێکی پاڵ کەوتوو، وەپیاوێکی دی بەردێکی بەدەستەوە بوو وەستابوو لەسەری، بەردەکەی فڕێ دەدا بۆ سەری، وەسەری دەشکاندو دەیقرنجاند، تا بەردەکەی هەڵدەگردەوە سەری وەک پێشتری لێ دەهاتەوەو چاک دەبووەوە، پاشان وەک جاری پێشوو بەردەکەی دەدا لەسەری، وتم: سبحان الله! ئەم دووانە کێن؟ جبریل ڕەزای خوای لێ بێت، ووتی: ئەوە ئەو پیاوەیە کەلەکاتی نوێژی فەرزدا دەخەوێت.
*ئایا دەزانیت یەکەم شت کەلێپرسینەوە دەکرێیت لەسەری نوێژە؟... پێغەمبەر (صلى الله علیه وسلم) دەفەرموێ: {أول مایحاسب علیه العبد یوم القیامة عن الصلاة، فإن صلحت، صلح سائر عمله، وإن فسدت، فسد سائر عمله}، واتە: یەکەم شت کەبەندە لێپرسینەوەی لەسەر دەکرێ لەڕۆژی قیامەتدا نوێژە، ئەگەر باش بوو ئەوا هەموو کردەوەکانی تری باش دەبێت، وەئەگەر خراپ بوو ئەوا هەموو کردەوەکانی تری خراپ دەبێت.
*ئایا نوێژنەکەر لەڕۆژی قیامەتدا لەگەڵ فیرعەون حەشر دەکرێ؟... پێغەمبەر (صلى الله علیه وسلم) دەفەرموێ: {من حافظ علیها _أی الصلاة_ کانت له نور وبرهانا یوم القیامة مع قارون وفرعون وهامان وأبی بن خلف} واتە: هەرکەس پارێزگاری لێ بکات و بەباشی ئەنجامی بدات، واتە نوێژ لەڕۆژی قیامەتدا ڕووناکی و بەڵگەی پێیە، وەئەوەی پارێزگاری لێ نەکات نەڕووناکی و نەبەڵگەی پێیە وەنەدەربازبوون، وەلەڕۆژی قیامەتدا لەگەڵ قارون و فیرعەون و هامان و ابی بن خلف دەبێ.
*ئایا دەزانیت کەنوێژنەکەر لەگەڵ تاوانباران لەدۆزەخدایە؟... خوای گەورە دەفەرموێت: [ کُلُّ نَفْسٍ بِمَا کَسَبَتْ رَهِینَةٌ* إِلَّا أَصْحَابَ الْیَمِینِ* فِی جَنَّاتٍ یَتَسَاءلُونَ* عَنِ الْمُجْرِمِینَ* مَا سَلَکَکُمْ فِی سَقَرَ* قَالُوا لَمْ نَکُ مِنَ الْمُصَلِّینَ] (سورة المدثر: ٣٨_٤٣)، واتە:هەموو کەسێک بەرپرسە لەکردەوەکانی یان لەوەی ئەنجامی دەدا تەنها خەڵکی (یمین)'١' نەبێت، لەبەهەشتدان پرسیار لەتاوانباران دەکەن چی ئێوەی هێناوە بۆ (سقر)'٢' ووتیان لەنوێژکەران نەبووین.
دوای ئەمە هەمووی.. لەبەرچی نوێژناکەی؟!
خۆت سەربەستی چی هەڵدەبژێری، یان ڕێگای ڕەحمان یان ڕێگای شەیتان.
===========================
'١' یمین:ـ ناوی دەرگایەکە لەدەرگاکانی بەهەشت.
'٢' سقر:ـ ناوی دەرگایەکە لەدەرگاکانی دۆزەخ.
